مالك يا مصر إيه جرالك

مالك يا مصر إيه جرالك
 ولادك عمالين يكلوا فى ولادك
 اهدافنا فى الثورة كانت هى اهدافك
 واحلامنا ببكرة كانت هى احلامك
 كنت عاشق ومغرم بهيامك
 دلوقتى بقيت اخاف من اللى جاى من ايامك
 ..........
 لكن وحياة نشيد بلادى بلادى
 لافضل اغنى بصوتى وانادى
 تعيش ارض اجدادى واولادى واحفادى
 واعهدك انى احميكى من الاعادى
 وافديكى بعمرى وروحى وحياتى
 ..........
 كل ده يا مصر واكتر عشانك
 عشان ترفعى راسك قدام جيرانك
 هو انا هلاقى فين زى حنانك
 هلاقى فين تانى مكانك
 واهلك وشعبك وجدعانك
 ونيلك وبحرك وميدانك
 وزرعك وخيرك وغيطانك
 ..........
 بس اوعدينى انك تبقى شاهدة
 على ولادك يبقوا ايد واحدة
 ويبطلوا بقى الكلام ده
 ويتفقوا على حاجة واحدة
 انهم يخلوا مصر دايما خالدة